10 ERA LEQA , 15 ERA MAVOA ENA VEISUA – CANADA
Written by Demesi Kakaya on September 5, 2022
Era mai leqa e 10 ka 15 era mavoa ena veisua mai Saskatchewan Canada. Era mai laurai ena rua na vanua o ira era lausua qo wili kina na James Smith Cree Nation kei na Weldon.
Vakasaqarai tiko ena gauna qo e rua na na turaga mai na taba cakacaka ni ovisa qo o Damien Sanderson, 31, kei Myles Sanderson, 30, ka rau kilakasamitaki tiko ni rau cakava nai tovo oqo.
E ra vakasalataki na lewenivanua me ra qaqarauni ena nodrau dro tiko na rua oqo ka na rawa ni rau na vakayacora tale eso na i tovo vakadomobula. Vakabauti ni rau vodo tiko ena dua na motoka loaloa na Nissan Rogue ka soli kina na i vaka ro me ra yawaki rau ka me kua tale ga nira vakavodoka e dua era sega ni kila.
Vakaraitaka o Ms Blackmore ni ciqomi rawa na i tukutuku qo ena 05:30 na kaloko ni bera ni qai veitarataravi mai na qiri mai vei ira na lewenivanua. Sega ni tauri rawa tiko na vanua e rau gole tiko kina na rua oqo ka gadrevi kina o ira na lewenivanua me ra vakavakarau kei na tataqomaki . Kevaka e dua e raica na nodrau motoka loaloa rawa ni na qirita na 911.
SOURCE : BBC NEWS
