Vinaka Ratu Kadavulevu School na veisusu vinaka – Na marautaki ni yabaki 100: Lodoni.

Ni vakacagau tiko na kena marautaki na yabaki 100 ni koronivuli e Ratu Kadavulevu , era babasika mai na veika mera vakanananu lesu kina ki Delainakaikai na gone itaukei era siviraki mai kina ena nodra gauna ni vuli.

Era kalougata na qase cake nira donumaka na kena marautaki na yabaki 100 ni koronivuli.

Vakasamataka mada qo – e dua na gone me se qai yabaki 12 mo qai biuti rau na nomu i tubutubu ka laki lewena na koronivuli ni curu i bure levu duadua ni gonetagane. Vuqa na gone  ena nodra biubiu mai oya , esa itoitoi talega ni gauna mera butuka kina na nodra koro kani mai toso na vuli , dewa kina vuli torocake , vuqa era gole sara yani ki vavalagi ka so era sa mai tawana tu na veitabana vaka matanitu kei na vei kabani ena vei itutu ni veiliutaki me yacova mai na gauna oqo. Na vosota na yadra vakamataka, kei na veika kona sotava ena gauna ni vuli e Lodoni ena dau tu ga vei iko me yacova na nomu mate. Vei ira na cavutu ga yani e Viti Levu , ni sa cava na vuli era lesu tale ki Vanua ena kena laki colati tu nai tavi ni vanua ena siga kei na bogi kani vuqa talega era dabeca tiko na itutu ni veiliutaki vakavanua ena gauna oqo.

Jona Koroitamana. House Captain ni Bure Degei.Gole sobu ki QVS ena vuli Business Studies. RKS Deans 91 & 92 ,Fiji Bati ena 1994. Vakaitkotiko e Ositerelia ena gauna oqo.

Dua vei ira na italanoa e Lodoni sa toka oqo ka ni gauna eda dau mai railesu kina – e dau kauta ga mai na veidredrevaki kei na luluvu ena ivakarau ni itovo ni bula ena gauna ni veisusu e Lodoni.

Dua ga a bulasi mai Lodoni..