39 NA LEWE NI VANUA E RA BEITAKI ENA CALA NI VEIVAKASAGAI ENA VULA SA OTI
Written by Mika Qalobula on June 5, 2023
Era mai beitaki e lewe 39 na lewenivanua ena 95 na cala ni veivakasagai, kei na kucu ena vula sa oti, ka 17 na kisi, e rau veikilai sara tiko ga o koya ka vakayacora nai tovo lolovira oqo,kei koya ka vakayacori tiko vua.
E 20 mai na 31 na lewenivanua e vakayacori vei ira nai tovo oqo, era lailai mai na 18 na yabaki ni nodra bula,ka vakaraitaka na valenivolavola ni Dauniveibeitaki ni matanitu, ni mai na 39 na lewevanua era beitaki, e 1, e lailai mai na 17 na yabaki ni nona bula.
Oqo e salamuria tiko na nona beitaki e dua na gone-tagane yabaki 14, ena 4 na cala ni kucu kei 7 na cala ni nona vakasaga e dua na gone-yalewa yabaki 11.
Sa beitaki talega ena 3 na cala ni kucu, 3 na cala ni veivakasagai kei 1 na cala ni veivakasaurarataki e dua na turaga yabaki 63, ka a vakayacora nai tovo oqo kivua na luvena yalewa vakacabecabe yabaki 16.
E dua talega na turaga yabaki 42 e a beitaki ena cala ni kucu kei na nona vakasaga na luvena vakacabecabe yabaki 9, ka beitaki talega e dua na turaga yabaki 67 ena cala talega ni kucu kei na veivakasagai e a vakayacora vua na makubuna yalewa yabaki 12.
Ia,ena dua tale na kisi,sa mai beitaki kina e dua na turaga yabaki 53 ena cala ni kucu, veivakasagai kei na veivakasaurarataki vua na vugona yalewa yabaki 17.
VITIFM 92.2FM/92FM/92.6FM – E KAMICA QAI KACHI!!!!!
I VUREVURUE – Fiji Village.
