$60 dua na auwa ena Kiwi Fruit Industry – NZ
Written by Atu Kurumudu on March 31, 2022
Na revurevu ni Covid-19 sa laki tiko sara ena $60 dua na auwa na kedra i sau na dau beti vuata e Niu Siladi. Sega walega ni koya oya – wili talega kina na tauri bonisi , icocovi lalai, sega ni saumi na rumu ni moce kei na veitosoyaki bau kina na soli wale ni kakana. Na veika kece oqo esa biu yani mera malele mai kina na dau cakacaka ena iteitei.
Na vanua ni cakacaka oqo ,[Kiwifruit industry ] e vinakati kina e 24,000 na kena tamata cakacaka. Dua na dredre levu era vakila tiko nai taukei ni teitei , oya na lailai ni tamata mera laki cakacaka yani ka vu ga mai ni nodra sega ni lako rawa yani ki Niu Siladi na ‘seasonal workers’.
David Kakkar, 32, ka cakacaka tu ena tabana oqo ena 15 na yabaki sa oti e a tekivu ga mai ena beti vuata ka sa laki yacova sara nai tutu vaka manidia ena gauna qo. Tomana ka kaya ni rawa ni kauta ki vale e dua na tamata cakacaka e $500-600 dua na siga.
source:stuff.co.nz
