BEITAKI E RUA NA LEWENIVANUA ENA CALA NI LABA.
Written by Maria Solomone on March 2, 2023
Rua na lewenivanua erau a rairai yani ena mataveilewai mai Nausori ena veibeitaki ena kena kilakasamitaki ni rau a labata e dua na turaga ni Canada enai ka 20 ni siga ni vula sa oti.
Ea kunei na yagona na turaga oqo nia ciri tu ena uciwai mai Waimaro volekata tiko yani na koro o Waito mai Tailevu.
Vakaraitaka na Chief of Intelligence, Investigations and Prosecutions, na Vukevuke ni Komisina vakatawa ni Ovisa o Sakeo Raikaci ni kilakasamitaki ni rau a bukana na rua oqo me rau butakoci koya na turaga yabaki 64, ena gauna ea yaco mai kina ena noda vanua ena vula sa oti.
kilakasamitaki talega ni rau a veivosaki tiko na turaga oqo kei dua vei rau na lewenivanua ka rau beitaki, ena nona lawaki-taka tiko o koya na lewenivanua ni o koya e marama.
Yaco na veika qo ena gauna eratou a gunu vata tiko kina.
Rau sa beitaki ruarua tiko o rau oqo ena yadua na cala ni laba, ka sa vakaroti mai na mataveilewai me rau tauri vakavesu, ka mena qai rogoci ena mataveilewai e cake na nodrau kisi enai ka 15 ni siga ni vula oqo.
Ivurevure:fijivillage
