SERE VOU – MOCE BOLA NA WATIQU – LAWX B
Written by Mika Qalobula on March 7, 2023
Yacani Sere: Moce Bola Na Watiqu
Composer: Lawrence Bale
Vocals: Lawrence Bale (A.K.A: Lawx B)
Sound Engineer: Raven Studio (Isireli Gumatua)
Talanoa Ni Sere;
Na sere qo nai vananumi ni dua na bula yaga ka tama ka sa mai kacivi yani me sa toki taki ki na bula da na lako kece kina ena dua na siga,ka yacai Turaga ka talanoataki ena sere oqo ko Nacanieli Bola Nakabea, ka cakacaka e na mataivalu e wai se Navy.
Ena yabaki 2004 rau tekivu sota kina kei marama na watina o , Laisani Nakabea ka cakacaka tiko ena noda valenibula ni vakasucu e suva se na Labour ward ka rau a vakamau ena 2009, ka sa tauyavutaki sara kina na vuvale totoka ka vei uasiviti ena veilomani.
O Turaga e yacana o Nacanieli Bola Nakabea cavutu mai ena koro Nabalabala, Saivou, Ra ena yavusa vakaturaga ko Navatuvoka,ka cavutu mai Nasau,Koro mai Lomaiviti ko Laisani Nakabea na marama na watina.
Sa vakacagau tu na na soko, kei na bula ena veisiga,ka marautaki na 5 na luvedrau me vaka ni sa kedrau i vola bula tu ena veisiga ni mataka.
Ni toso tiko na siga, ka sa vunitaki tu na noda vei siga ca,ka da sega ni kila nai tuvatuva ki na noda dui bula. Ena vula okosita, na yabaki 2022, sa tekivu me tatara mai na tauvimate vei turaga na tama ni vuvale lomani ka sa dau curu suka voliga e valenibula,ia, e sa qai dau vosa tu nei Radini vale,se mani vacava sara na tauvimate ratou na sega vakadua ni na tu vakasuka vakadua.
Ena Noveba, Na ka 7 ni siga, 2022. Dua na siga mosimosi ena delani vuravura qo vei ratou vaka veitinani kei ira na veiwekani kei na sena vakadra ena nona sa mai kacivi na bula nei Nacanieli Bola Nakabea ena tikina siga qo ka sa mositi i ratou sara vakalevu na vuvale.
Na tikina siga oya ena sega vakadua ni na guilecava na marama na watina ni a mai kaliraki tani kina na nona bula na nona lewe ni vale, ka dau kaya tu ga na marama na watina, ni nona i tavi sa na mai vakacavara o koya, na nodratou qaravi na lewe 5 na luveidrau koya sa na tomana yani , ni sa i ratou saraga qo na senikau boi yawa ni nodrau vuvale.
Sa qai kerea mai o Laisani Nakabea me volai na sere qo ke me vakananumi wale tu ni gauna drau a lako curuma mai kei iratou na nona i solisoli.
VITIFM 92.2FM/92FM/92.6FM – E KAMICA QAI KACHI!!!!
I VUREVURE – LAWX B
