KEREA NA TURAGA NA VUNIVALU NA TUI KABA O RATU EPENISA CAKOBAU ME SA NA VAKAYACORI KINA YANUYANU VAKATURAGA NA I MATAI NI BOSE LEVU VAKATURAGA.
Written by Rosena Volavola on March 10, 2023
E sa mai kerea na Turaga na Vunuivalu na Tui Kaba , o Ratu Epenisa Cakobau vua na Prime Minisita o Sitiveni Rabuka me sa na laki vakayacori yani kina yanuyanu vakaturaga o Bau nai matai ni Bose Levu Vakaturaga.
E vakaraitaka tiko ni oti na nona vosa ni cava na nodra vagunuvi ena siga ni kua, e tomana na Vuinivalu ni sa sivi oqo e tinikaono na yabaki koya e vakayacori kina nai otioti ni gauna e vakayacori kina na Bose Levu Vakaturaga ea vakayacori mai Bau.
E tukuna ni ka ena vinaka kina na kena laki vakayacori yani i Bau na matai ni Bose oya ni ra na tiko kece mai Bau na vei mata kece ni vei Tikina ena loma ni tinikava na yasana ena noda vanua.
Ia, e sa vakavinavinakataka tiko na Vunivalu na veitokoni mai vei ira na lewenivanua ena kena laki vakayacori vakavinaka na soqo ni vei vakatikori ena siga ni kua.
VITIFM 92.FM/92.2FM/92.6FM
E KAMICA QAI KACHI!
SOURCE: Fijivillage
