Sagai me wali na leqa ni e-ticketing: Ro Filipe Tuisawau
Written by Kelera Rokocula on March 14, 2023
Na kauwai era vakaraitaka tiko na lewenivanua me baleta na kena vakayagataki tiko na misini ni e-ticketing transport system e namaki me na wali tiko ena dua na gauna lekaleka mai qo.
E vakaraitaka na Minisita ni Public Works, Transport kei na Meteorological Services, Ro Filipe Tuisawau ni ratou sa cakacaka vata tiko kei na Minisita ni Communications, Manoa Kamikamica kei na nodratou tabana, wili kina na tabana ka vakaruru vei ratou na Vodafone, na kabani ka vakarautaka tiko na e-ticketing cards ena kena sagai me vakavinakataki na tikina qo.
Tomana o Ro Filipe ka tukuna ni ratou sa ciqoma e levu sara na kudru ka ratou sa veitalanoa tiko ena kena vakasokumuni mai eso nai tuvatuva ni kena i wali.
E ratou taroga na tabana ni fijivillage News ke rawa ni vakalesui tale mai na kena vakayagataki na saumi ni vodovodo enai lavo ena basi vakabibi vei ira na sotava tiko na dredre ena kena vakatawani na card ni basi ena vanua yawa ka toka sara e loma na vanua era vakai tikotiko mai kina, ia vakamacalataka o Ro Filipe ni na vinakati me ratou na veitalanoa tale tiko kei na veikabani ni basi kei na tabana ni veitosoyaki ena noda vanua ni se bera ni ratou vakayacora e dua na vakatulewa.
