LAVETI CAKE NA NODRA KAUWAI NA LEWENIVANUA ENA KENA LAILAI TIKO NA DAVODAVO ENA VALENIBULA LEVU E SUVA.
Written by Rosena Volavola on March 24, 2023
E vuqa sara na lewenivanua era laveta cake tiko mai na nodra kauwai me baleta na kena lailai tiko nai davodavo ena valenibula levu e Suva, ka so era tukuna mai nira dau lai davo tu ena dabedabe ka dau vakarautaki mai valenibula mera waraka tu kina me galala mai e dua nai davodavo.
Gauna e tarogi kina mai na tabana ni Rogo, vakaraitaka na Medical Superintendent ni valenibula levu e Suva o Dr Luke Nasedra, ni ratou saga tiko mera vakau eso na lewenivanua kina veivalenibula e voleka kina nodrai tikotiko, ka me rawa ni galala eso nai davodavo ena valenibula levu e Suva.
Tukuna o Dr Nasedra ni sa tiko eso nai tuvatuva ena gauna oqo me baleta na kena wali na kauwai e laveti cake tiko mai, ka ni sa gadrevi me kua ni dau vakayagataki vakawasoma na valenibula mai tamavua, na Twomey Hospital.
VITIFM 92.fm/92.2fm/92.6fm
E KAMICA QAI KACHI!
SOURCE-Fijivillage
