QAQA NA MATATIMI NI FIJIANA DRUA

E mai qaqa ena yakavi nikua na noda matatimi ni Rooster Chicken Fijiana Drua vua na mata timi  ni Brumbies Womens ena kai 12 kei 7, ena sotasota ni Super W Competition.

Na i matai ni nodratou sikoa e mai tabaka o Lavenia Tinai ka curu na kena caqe ka ratou mai liu toka ena kai 7 kei sega (7-0),ni mai veimama na nodrau qito.

E nai ka 2 ni veimama e ratou mai tabaka kina o Laisani Moceisawana nai ka 2 ni nodratou sikoa ka mai cala na kena caqe,ka ratou liu sara ena 12 kei 7 ni oti nodratou sauma lesu na timi ni Brumbies Womens ena dua na sikoa ka caqeti curu.

Ni sa voleka ni oti na qito,e ratou saga sara tiko vakaukauwa na Brumbies Womens me ratou takosova tale na laini ni sikoa nei Fijiana Drua,ia e ratou sa bau tataqomaki vinaka sara ga na noda goneyalewa me vaka ni ratou na saga tiko me ratou maroroya nai cocovi ni sotasota oqo.

VITIFM 92.2FM/92FM/92.6FM

I VUREVURE – FIJI VILLAGE

PC – PITAS PICTURE