SERE VOU-BIU TU O KORO-VUSO NI UA KEI UCUNINUKU
Written by admin on March 27, 2023
“VUSO NI UA NI UCUNINUKU”-Na matasere oqo e cavu tu sara mai ena loma ni Koro vakaturaga ko Nacamaki,Koro ena Yasana ko Lomaiviti,ka vuqa sara na nodratou sere e dau vakatagi taki ena Vitifm,ka kenai liuliu tiko o Esava Junior Kobiti.
“BIU TU O KORO”-Na sere oqo e talanoa taki tikoga kina ka seretaki nai lakolako mai na Yanuyanu vakaturaga mai Koro,Lomaiviti kina loma ni Koro vakaturaga ko Cevuvu mai Koroalau,Cakaudrove.
Oqo e donuya na gauna e se veivakaleleci tiko kina na waqa qo na MV SOFE,mai Koro ki Savusavu,ka ratou a gade kina na matai lawalawa oqo.
Ena 3na kaloko [3pm] ena yakavi eratou sa yaco yani kina loma ni koro e CEVUVU,ka ratou vakaraitaka ni sa dua tani na nodratou marau na wekadratou era tiko mai kea.Eratou vakacegu toka vakalailai ni oti na vakasigalevu ,ka sebera ni vakayacori na soso yaqona,ka ratou sa mai bulia ka vulica sara toka na sere oqo ena loma ga ni vale eratou vakaicili taki tiko kina.
Era qai kidacala ena gauna ga ni soso yaqona ena yakavi tikoga ni siga koya ni ratou sa lagata tale yani na sere ni gade qo..BIU TU O KORO.
Eratou vica tale na siga e CEVUVU ka ratou sa qai lesu tale ki Koro,ka sa duatani na nodratou vakadrukai ena itovo ni veikawaitaki kei na lasa eratou laki sotava e kea.
E rogoci ena sere oqo na domoi-Jeff Kobiti,Samuela Veitala,kei Esava Jnr Kobiti (Liuliu ni matasere).
VITIFM 92.2FM/92.6FM/92FM.
VITIFM-E KAMICA QAI KACHII.
