RATOU LAUVANA MATE E LEWE 6 NA LEWE NI VANUA ENA VANAVANA MAI NASHVILLE ENA MATAKA NIKUA
Written by Mika Qalobula on March 28, 2023
E ratou mai leqa ena mataka nikua e 6 na lewe ni vanua mai Nashville,mai Amerika ni oti na nona a curuma yani vakaukaukauwa na koronivuli e dua na goneyalewa yabaki 28 ka vanavana yani vakaveitalia,ka mani yaco sara kina na leqa levu oqo.
Sa vakadeitaki ni ratou sa leqa e 3 na i taba qase ka tiko ona nodratou yabaki ni bula ena 60 vakacaca,ka wili tiko kina nai liuliu ni koronivuli kei na 3 na gone vuli ka ratou yabaki 9 taucoko,ka ratou vuli tiko ena koronivuli ni Lotu oqo na COVENANT PRESBYTARIAN CHURCH.
O Audrey Hale,na goneyalewa yabaki 28 ka a vakaitavi ena vanavana oqo,a vuli oti talega ena koronivuli oqo ena loma na vica na yabaki sa oti,e a qai mani lauvana mate talega mai vei ratou na ovisa,ena gauna e ratou sa vakasasataki koya kina.
Sa dua na ka na nodra rarawa nai tubutubu ka sa ririkotaki sara ga na nodra bula na gone mai kea ena vuku ni veika e mai yaco.
VITIFM 92.2FM/92FM/92.6FM – E KAMICA QAI KACHI!!
I VUREVURUE – CNN NEWS
