VEIVAKADEITAKI MAI NA TABANA NI OVISA E NA VUKU NI VAKACALAKA E GAUNISALA.
Written by Samuela Digitaki on April 10, 2023
E vakadeitaka na tabana ni ovisa ni sa tiko e na 207 na notisi ki vei ira na dau vakacicivaki lori vakatotolo mai na 6 e na noa me yacova mai na 6 e na mataka nikua.
Ia e sa curu tiko e na gauna oqo e dua na marama yabaki 28 e na vale ni bula mai Tavua, ni oti na kena gole tani mai e gaunisala na motoka e a vodo tiko kina.
E ratou tukuna na Tabana ni Ovisa ni o koya na Marama oqo, e dua vei ratou na tolu na pasidia ka vodo tiko e na motoka e na motoka e a draivataka tiko e dua na tagane yabaki 26 mai Lololevu,Tavua.
E kilakasamitaki ni gauna me ratou yacova yani kina e dua na tolo ni sala mai Nakavika e Tavua, e a qai kilakasamitaki ni a sega ni vakatulewataka vakavinaka na nona vakacicivaki lori.
E na dua tale na vakacalaka, e tauri vakavesu e dua na marama yabaki 52 e na nona vakacicivaki lori tu e na dela ni mateni e na yaqona ni vavalagi.
E ratou tukuna na Tabana ni Ovisa ni ratou na tiko vakalewe levu na Ovisa e ra veiqaravi tiko e na nodratou tabana ni traffic, e na kena tovolei me vakamuri na lawa ni vakacicivaki lori e na noda vei gaunisala me rawa ni vakalailaitaka na kisi ni vakacalaka e gaunisala.
VUREVURE:FIJI VILLAGE.
VITI FM /92/92.6/92.2 FM.
