SOTAVI TIKOGA NA LEQA NI WAI ENA LAMI- SUVA – NAUSORI CORRIDOR .
Written by Rosena Volavola on April 16, 2023
Era se sotava tikoga e udolu na lewenivanua koya era vakai-tikotiko e Lami-Suva-Nausori na leqaleqa ni wai ka vuqa era sa vakararavi tuga ena kena vakadewataki yani vei ira na wai ni gunu ena lori.
Era vakaraitaka mai na nodra kauwai na lewenivanua ni sega ni bau vakadrodoi yani na wai ni gunu ni oti qo e 2 na macawa ka vuqa era se nanamaki tu kina ena dua na gauna balavu ka se sega ga ni dua na wai ni gunu era bau maroroya.
Ia ena gauna e vakauta kina na tabana ni rogo ena fijivillage na vakatataro ki na Tabana ni Wai, eratou tukuna ni sa vakarautaki tiko na lori ni wai ka sa vakadewataki tiko na wai ni gunu ki na vei-tikotiko.
Ia , veikemuni na lewenivanua o ni vakaitikotiko ena yasayasa e Lami kei Suva kevaka o ni gadreva na veivuke vei ratou na Tabana ni wai e rawa ni o veitaratara e na naba na 3346777 se 5777.
VITIFM 92.fm/92.2fm/92.6fm
E KAMICA QAI KAJI!
SOURCE- Fijivillage
