TOSO CAKE TIKO NA KISI NI NODRA DAU VAKATOTOGANI KA BUTAKOCI NA DRAIVA NI TAXI.
Written by Mika Qalobula on April 18, 2023
E sa veivakasalataki na Tabacakacaka ni Ovisa ena noda vanua vei ira na draiva ni Taxi me ra dau qaqarauni vakavinaka, ena gauna taucoko sara ni nodra veiqaravi.
Oqo e salamuria tiko oga e vica na kisi ka yaco tiko ena noda vanua,ka ra dau butakoci tiko kina na draiva ni taxi,ka so e ra dau vakasaurarawataki mai vei ira na nodra pasidia.
E matata vakasigalevu tiko vei keda ni dau tu ga vei ira na draiva ni taxi nai lavo,ka ra sa dau taketetaki sara tiko vakalevu ena gauna oqo,ka sa kerei tiko vei ira me ra kua ni dau kauta tiko nai ilavo lelevu,ni ra dau veiqaravi tiko,ka sa kerea talega na tabana ni ovisa me ra kua ni dau wili i lavo tu se vakaraitaka tu mai nai ilavo e tu vei ira,vakabibi ke vodo tiko na pasidia.
Sa vakaraitaka talega na tabana ni ovisa,kevaka e ra sa mani rere na draiva ni taxi ni sa vodo tiko e dua na pasidia ena bogi,sa na rawa ni ra vakadodonu sara yani kina dua na siteseni ni ovisa,me rawa ni rau lai veitalanoa kei na dua na ovisa veiqaravi ena vuku ni nona rere kei na nuiqawaqawa.
Na gauna oqo,e ra sa vesu tiko e vica na lewe ni vanua,ena vuku ni nodra oka tiko ena nodra dau vakasaurarawataki kei na nodra butakoci na draiva ni taxi.
VITIFM 92.2FM/92FM/92.6FM. – E KAMICA QAI KACHI!!!!!
I VUREVURE – FIJI POLICE.
Reader's opinions
Continue reading
