KIDAVAKI VAKAVANUA NA PRINCESS OF DENMARK O MARY ELIZABETH.
Written by Mika Qalobula on April 25, 2023
E a kidavaki ena mataka nikua ena dua na veiqaraqaravi vakavanua o Royal Highness, The Crown Princess of Denmark Mary Elizabeth,ka vakayacori na veiqaravi oqo ena Otela na Grand Pacific Hotel.
E na nona vosa tiko,ea vakavinavinakataka sara vakalevu o koya na matanitu, ena vuku ni veiciqomi kei na veivakamenemei,ena nona mai gade vakalekaleka tiko ena noda vanua ena macawa oqo,ka vakadeitaka talega o koya,ni o Denmark e solia tu na nona veitokoni ki vei Viti ena vuku ni kena sagai me valuti na revurevu ni draki veisau.
Na Princess of Denmark sa tiko sara mai qo mai na Vualiku ni noda vanua,ka nanumi me laki sikova sara na k0ro vakaturaga o Nabavatu,ka dua vei ira na koro ena noda vanua ka tarai ira sara tik0 vakalevu na revurevu ni Draki Veisau.
E ratou a tiko talega ena veiqaravi ena mataka nikua na Turaga na Vunilawa o Hon.Siromi Turaga,kei na so na lewe ni bose lawa kei ira nai vakalesilesi i cake ni noda matanitu,me ra laki kidavaka kina vakavanua na Princess of Denmark,o Mary Elizabeth.
VITIFM 92.2FM/92FM/92.6FM – E KAMICA QAI KACHI!!
I VUREVURE – Fiji Government.
