TAURI VAKAVESU VUQA NA LEWENIVANUA ENA VUKU NI KENA KUNEI VEI IRA NA WAIGAGA NI VEIVAKAMATENITAKI .
Written by Rosena Volavola on June 4, 2023
E ratou vakaraitaka na Ovisa ni vuqa na lewenivanua era tauri vakavesu ena loma ni 48 na auwa sa oti ena wasewase e Loma, Vualiku keina Tokalau ena vuku ni kena kunei vei ira na draunikau mamaca ka vakabauti ni mariwana, ka vaka kina lewe 3 turaga e ratou tauri vakavesu ni laurai vei ratou na waigaga vakabauti ni methamphetamine.
E ratou tomana ka tukuna na Ovisa ena i karua ni siga ni vula o Me tauri vakavesu lewe 3 na turaga e dua yabaki 32 ka rau yabaki 58 na lewe rua tale mai Nadi ena kena curumi vakaukauwa yani na nodratou itikotiko ka laurai kina na waigaga vakabauti ni methamphetamine
E ratou vesuka talega e rua na cauravou na Ovisa e Turaki ka vakabauti ni laurai vei rau na waigaga ni veivakamatenitaki ka vakabauti ni mariwana kei na methamphetamine.
E ratou vakaraitaka talega mai na Ovisa nia tauri vakavesu e dua na turaga yabaki 43 ka vaka-itikotiko mai Uluirua e Korovou nia kunei e vica na taga draunikau mamaca , vakabauti ni mariwana.
E ratou na tomana tiko na Ovisa na nodratou veiqaravi.
VITIFM 92.fm/92.2fm/92.6fm
E KAMICA QAI KAJI !
Source- Fijivillage
