KACIVI NA NODRAU BULA E RUA NA LEWENIVANUA E NA LOMA NI 24 NA AUWA SA OTI .
Written by Mika Qalobula on July 23, 2023
E mai kacivi na nodrau bula e rua na lewenivanua ena loma ni 24 na yauwa sa oti, e na rua na coqa duidui ka yaco e na noda vanua, ka rau qaravi tiko e na valenibula e dua na draiva kei na nona pasidia.
E vakaraitaka na Chief of Operations na vukevuke ni Komisina ni Ovisa Livai Driu ni matai ni vakacalaka e yaco e na gaunisala mai Koronubu mai Ba, ka ni dua na turaga ko a dabe tu e na loma-donu ni gaunisala, e a coqai koya yani e dua na motoka, rauta toka na 4 na kaloko ena mataka nikua, ka sebera ni vakadeitaki tiko o koya na draiva kei na naba ni motoka.
E a qai cicivaki kina valenibula mai Ba o koya na turaga oqo, ka kani rarawa ni vakatakilai ni sa leqa e na gauna e a yaco yani kina i valenibula.
E vakaraitaka o ACP Driu, ni karua ni vakacalaka, e yaco e na gaunisala na Khalsa Road e na mataka nikua e na nona coqa yani e dua na cauravou yabaki 25 na motoka, ka draiva tiko kina e dua na cauravou yabaki 24.
Na i ka tolu ni vakacalaka e a yaco mai Bulileka, Labasa,e na nona sega ni vagolea rawa e dua na turaga yabaki 54 na motoka e a draiva taka tiko, ka vakavuna me gole tani mai na sala e a muria tiko,e yaco tiko na veika oqo rauta toka na 3 na kaloko e na mataka nikua. E sa veivakadreti tiko o ACP Driu ki vei kemuni na draiva kei na lewenivanua, mo ni vakavinakataka na nomuni tovo e na gauna o ni vakayagataka tiko kina na gaunisala, ka ni dau yaco tiko na coqa e na vuku vakawelewele.
