TAURI TIKO VAKAVESU ENA GAUNA OQO E DUA NA TURAGA YABAKI 49
Written by Kelera Rokocula on July 30, 2023
E na gauna oqo e sa tauri tiko vakavesu e dua na turaga yabaki 49 ena siteseni ni ovisa mai Labasa ena vuku ni kena laurai vua nai binibini draunikau mamaca ka vakabauti ni mariwana. E ratou toboka na tabana ni ovisa ni a vunitaki tu ena dua na loma ni kato ka biu toka ena nona loma ni lori.
E ratou tarova na turaga oqo na lewe ni timi ni tabana ni ovisa na Labasa Taskforce Team ena dua na otela mai Labasa, ka mani kunei kina vua na veika oqo.
E vakaraitaka nai vukevuke ni komisina ni ovisa o ACP Livai Driu ni ratou cakacaka totolo sara na tabana ni ovisa ena vuku ni veivuke mai vei ira na lewenivanua ena kena veiwaseitaki nai tukutuku me baleti ira na dau tea tiko kei ira na dau volitaka tiko na waigaga ni veivakamatenitaki qo na mariwana.
E tomana ni ratou vakavinavinakataka na tabana ni ovisa na noda cakacakavata na lewenivanua kei iratou ena kena sagai me valuti na cakacaka oqo.
I VUREVURE: FIJI POLICE
VITIFM: 92.0/92.2/92.6
