LEQA E DUA NA TURAGA ENA VUKU NI VAKACALAKA E GAUNISALA

E mai leqa e dua na turaga yabaki 25 ena vuku ni vakacalaka e gaunisala ena Kings Road volekati Teidamu ena mataka nikua.

Na turaga oqo e vodo tiko ena motoka ka draivataka tiko e dua tale na marama, ka rau gole tiko yani ki Ba. E tukuni ni segani lewa rawa na nona draivataka tiko na lori na marama qo ka vakavuna me coqa tale yani kina e dua tale na lori.

E rau cicivaki yani ena valenibula levu e Lautoka, ia kani rarawa ni sa mai leqa na tagane yabaki 25 oqo.

Vakaraitaka na Director Traffic Senior Superintendent ni Tabacakacaka ni Ovisa o (SSP) Mitieli Divuana ni sa tomani tiko na nodratou veivaqaqai ena vuku ni kisi ni coqa ka mai yaco oqo.

I VUREVURE: FIJI POLICE