DODONU MEDA VEITALANOATAKA VAKAVUVALE ENA I ULUTAGA NI VEIYACOVI.

Sa dua na ka na kena sa ba i tubu tale tiko na i wiliwili ni bukete dole ena noda vanua, baleta ni da sa sega ni vakaitavi tiko na i tubutubu ena veivakavulicaki vei ira na luveda na ka ena yaco ke ra vakaitavi tiko ena veiyacovi ni se lailai na nodra yabaki ni bula. 

E vakaraitaka na i tukutuku qori na Asia and Pacific for Every Home for Christ Regional Director Pastor Manasa Kolivuso ni sa raica tiko ena veitikotiko kei na noda veivuvale ni ulutaga e tabu ni veitalanoataki vakavuvale na veiyacovi ni da dabe tiko vakaveiwekani.

Vakaraitaka talega o Na i Talatala Kolivuso ni o ira na luveda era sa kila tu na cava na veiyacovi ni ra sa  vulica mai na internet ka ra sega tale ni vulica mai vua edua ni sa tiko saraga ena talevoni e ligadra. 

Sa dodonu ena gauna qo veikeda  na i tubutubu meda sa doudou ena noda vakavulicaki vei ira na luveda na revurevu ni kevaka era vakaitavitaki ira dole tiko ena veiyacovi.

Esa veivakauqeti tale tikoga o Talatala Kolivuso vei ira na itabagone mera vulica mera tukuna SEGA ka maroroi ira mera  qai veiyacovi sara ena gauna era sa vakamau kina.

Na i wiliwili e tauri rawa ni 1,057 na i tabagone era gone i taukei, 178 mai vei ira na wekada na Idia, kei na 44 mai na veimata tamata tale eso era sa bukete dole tiko.

Kena i tukutuku matailalai vakarorogo tikoga mai ena Vitifm 92.2FM/92.6FM/92.0FM/92.4FM