SA NA SOGO E 7 NA TABANA NI VEIQARAVI NI BAQE NA TSB MAI NIUSILADI.
Written by Maria Solomone on August 8, 2023
TSB bank sa na sogota e 7 na nodratou tabana ni veiqaravi mai NZ-pc:1news
Sa vakaraitaka o Gordon Davidson na Chief Executive ni baqe na TSB mai Niusiladi ni sa na sogo tiko e 7 na nodratou tabana ni veiqaravi,ka tiki ni veisau vou ni cicivaki bisinisi sa lako curuma noda Vuravura ena gauna qo.
Ena vei baqe ena noda vuravura,laurai ni levu na lewenivanua era sa digitaka na veiqaravi ena mona livaliva mai na nodra gole sara ga yani ena baqe.
Ia, na veisau qo ena okata kece sara na veiqaravi matai lalai ena baqe,ka me rawa ni ra na qaravi vinaka kina na lewenivanua.
Vakaraitaka o Davidson na 7 na tabana ena sogo oya mai Ōpunake, Eltham, Newmarket, NorthWest, Napier, Nelson and Palmerston North.
Eratou sa cakacaka taka tale tiko ga kei na nodratou i vakalesilesi,me baleta na veitabana ni baqe tale eso ena rawa ni ra na lai cakacaka kina.
Ka sa tovolea me na savui vakatotolo kina na i tukutuku me rawa ni ra na cakacakataki ira na lewenivanua dau vakacuru i lavo ena veitabana ka sa vakaraitaki toka mai cake,vakabibi ena kena i lakolako vou ni kena vakayagataki ga na mona livaliva ena noda veitalanoa ga kina.
Namaki me sa sogo tiko na 7 na tabana qo ena i ka 2 ni Okotova.
Ivurevure : 1news.com.nz
