SOTASOTA NI ROOSTER CHICKEN/SCOOP ICE CREAM BOG TOURNAMENT
Written by Kelera Rokocula on August 13, 2023
imagesource:FijiFootball
E ratou mai qaqa na mata timi ni Extra Supermarket Rewa vua na mata timi ni Rooster Chicken Ba ena kai 3-1, ena nodratou sotasota vaka Group B ena vuku ni qito na Rooster Chicken/Scoop Ice cream Battle of the Giants Tournament ka mai vakayacori ena yakavi nikua.
E ratou laveta cake na kedratou kai mai na mata timi ni Rewa o Epeli Valevou, Abu Zaid kei Asirovosi Rabo, ia mai na timi ni Ba e mai caqeta curu na polo ka kauta cake na kedratou kai o Gulam Razool.
E vo tale tikoga me rau na sota na timi ni Labasa kei Ba.
Na vei timi tale eso ka ra qito ena yakavi nikua, timi ni Labasa e mai qaqa vua na timi ni Suva ena kai 2-0, Lautoka qaqa vua na timi ni Tailevu/Naitasiri ena 5-1, Navua qaqa vua na timi ni Nadi ena 2-1.
E na gauna oqo e rau sa mai vakadeitaka tiko nodrau i tutu na timi ni Lautoka kei Navua ena vuku ni sotasota ni semi fainala ka na vakayacori tiko ena vula mai oqo, Seviteba.
i vurevure: fijivillage
Vitifm:92.2/92.2/92.6 fm
