KIDACALA KA KIDROATAKA NA MARAMA NA MINISITA NAI TUKUTUKU NI NONA VAKASAURARATAKI E DUA NA GONE YABAKI 4.
Written by Mika Qalobula on August 31, 2023
E kidacalataka, ka sega saraga ni taleitaka na Minister ni Marama, Gone kei na maroroi ni Bula raraba oya o Lynda Tabuya nai tukutuku ni kena mai vakasaurarataki enai naki ni kucu e dua na gone lailai yabaki 4 ena nonai tikotiko.
Ia,e vakaraitaka o Tabuya, ni tukutuku vakaloloma oya ni tubu cake tiko nai wiliwili ni kisi ni nodra vakasagai se vakasaurarataki tiko enai naki ni kucu o ira na gone ena vanua saraga era dodonu mera maroroi kina.
E a vakataroga talega o koya se gauna cava ena yalani kina nai tovo beci oqo.
E sa veivakananumi tiko kina o Tabuya kivei kemuni nai tubutubu ena nodra taqomaki vinaka na luvemuni, ka moni rivote taka yani ke ra mani raica se mani sotava na veika oqo.
Ia,oni rawa ni veitaratara yani kina naba ni talevoni na 1325 ena child helpline keina 1560 ena National Domestic Violence Helpline.
Ia,keitou sa vakauta eso na neitou vakatataro kivei iratou na Tabana ni Ovisa me baleta na kisi nei koya na gone yabaki-4, ka sebera ni ratou sauma tiko mai na neitou taro.
VITI FM 92/92.2/92.4/92.6 FM-E KAMICA QAI KACHII!
I VUREVURE-FIJI VILLAGE.
