SERE VOU – SOTA VAKACALAKA – MALUMU NI TOBU KEI NAIVAUKURA.
Written by Mika Qalobula on October 3, 2023
MALUMU NI TOBU KEI NAIVAUKURA – Na matasere rogo levu ka kilai levu ena noda vanua ka liutaka tiko o Jio Vetaukula na cauravou ni Nasau,Koro,mai Lomaiviti,ka vuqa na sere e bulia ka ratou lagata me vaka na ‘I LAVO NI AUSSIE-I LAVO MOSIMOSI’,ka ra dau vakatagitaki taucoko ena VITIFM,ka dau taleitaki sara vakalevu vei ira na dau vaakarorogo.
‘SOTA VAKACALAKA’-Oqo e dua na sere me baleta e dua na veidomoni ka bucini ena 2004,ka rau bucina vata kina e dua na cauravou ni Kadavu kei na dua na gone yalewa ni Serea,mai Naitasiri.
Na kaukauwa kei na titobu ni veidomoni oqo,ni yaco sara tiko ga me rau dau sota ,ka sa dau kaukauwa na nodrau dau veimosimositi ka dau laurai matana votu ena kena dau matanataki na nodrau gagano lo.
Ia,ni sa balavu toka na soko,ka yaco na gauna me sa vaka me luluqa mai,ka sa qai dau vakataroga tiko na cauravou ni Kadavu oqo,se cava beka e sa leqa tiko.E na dua na siga sa nanuma me sa gade tu mada me laki sikovi gone yalewa,ia,e kidroa,ka kidacala ena dela ni nona sega ni vakabauta ni sa tukuni mai vua,ni sa tiko o nona karua e vale ka tarai koya kina e dua na malumalumu levu,ka veilecayaki na nona bula,ka nanuma ga ni tadra tiko.
