QAQA O ARGENTINA VEI WELESI ENA I MATAI NI KOTA FAINALA NI RUGBY WORLD CUP
Written by Mika Qalobula on October 15, 2023
E ratou mai qaqa ena mataka nikua na mata timi Argentina vei Welesi ena i matai ni kota fainala ena sotasota ni Rugby World Cup,2023,ena kai 29 kei 17.
E a liu taumada tu o Welesi ena i matai ni veimama ena kai 10 kei 6,ia,e qai saumaki lesu tale mai o Argentina,ka mai rawata kina na qaqa ena mataka nikua.
Sa dua na ka na kena mosi vei Welesi na druka oqo,me vaka ni ratou a sega ni bau druka mai ena nodratou qito vakatobu.
Na mata timi ni Argentina e sa na waraki koya toka ka na qaqa vei rau o Niusiladi kei Ieladi me rau na qai sota ena Semi fainala.
VITIFM 92.2FM/92FM/92.6FM/92.4FM – E KAMICA QAI KACHIII
