SERE VOU-CAGI MUDRE KEI NALAUCEVA-YACA NI SERE-NA DINA WALEGA

MATASERE-CAGI MUDRE KEI NALAUCEVA-Na matasere oqo e lewena tiko o Sekove Nailago, Navitalai Delaiverata, Kameli Turagakula kei Ilai Ravuravuiwaca.E vola na i talanoa ni sere oqo ko Etonia Lote Jnr ,na cauravou ka kilai levu talega e na buturara ni veivakamarautaki e na lagasere e na noda vanua.E katona na sere oqo o Manueli Railoa e na volau ni katokatoni na Aotea Recording Studio Fiji ka biuta vata na kena i yaloyalo o LBY Production.

NA DINA WALEGA-Oqo na i talanoa ni nodrau veivosaki e dua na veitau. Mai cala na i matai ni veivosaki ni a sega ni ciqomi o goneyalewa e na vuvale nei tagane. E na gauna mosimosi ka curuma e na vuku ni voroki ni veivosaki ya, sa takoso mai e dua na cauravou ka mai walia na veika ka lako curuma na goneyalewa ka solia na nona i gu taucoko ko cauravou me vaka marautaka na goneyalewa qo. O cauravou e sotia tiko ni matanitu levu o Amerika. Sa mau na nodrau veivosaki na rua ka sa tekivu me seavu yani na mosi a sotava tu mai o goneyalewa ka vaka i sosomi taki e na marau.

E sega ni dede sa kacivi lesu ko tagane e na vuku ni veiqaravi vakamataivalu ni Amerika. Sa mosimosi na nodrau veitalatala ni se qai tekivu madaga na kena kamikamica sa yaco tale na veitawasei e na vuku ni i tavi.
Sa yaco i Amerika o tagane rau sa qai dau sema voli ga e na mona livaliva. Sa qai tatau yani ko goneyalewa vei cauravou me qai maroroa na dina ni sa i koya ga ya ,na yavu levu e rawa ni maroroa kina na nodrau veivosaki. Ya na vuni kena vakayacani na sere oqo me yacana
“NA DINA WALEGA”

E vica na vosavosa vakaviti ka vakayagataki e na sere qo:
1. Kara i muri – na suka se na soro sa na sega ni rawa

2. Vatu tatavukivuki dredre me kabita na lumi – tudei tu se mani vacava na draki.

VITI FM:92.2/92.6/92.4/92.0 FM-E-KAMICA-QAI-KAJI

I VUREVURE: CAGI MUDRE KEI NALAUCEVA