SERE VOU-VATU NI CEVA TRIO-QO SA QAI DINA SARAGA.
Written by Mika Qalobula on January 3, 2024
VATU NI CEVA TRIO-Oqo na Matasere,ka rogo tale tuga mai ena dua na gauna ena noda vanua,ka ratou dau lewena tu e liu o Peni Seniseniyasi,ka Matasere mai na yanuyanu vakaturaga o Gau mai Lomaiviti,ia ena gauna oqo era sa lewena tiko oira na gone mai Gau,ka sa vuqa sara na nodratou Sere e sa vakatagitaki tiko yani ena nomuni sala ni kakaburaki na Viti Fm.
QO SA QAI DINA SARAGA-Oqo nai talanoa ni Sere,ka talanoataki saraga kina na veikorokoro mai na yanuyanu vakaturaga o Gau kei na veika kece saraga e dau rogo tu kina na vanua vakaturaga o Gau.
Ia,na i naki levu talega ni kena talanoataki na Sere oqo me ra rawa ni kila talega na taba tamata ena noda vanua kei ira mai vanua tani ni veika dau veiwalitaki tu kina na vanua vakaturaga o Gau sai koya na LAILAI NA DINA ni oqo SA QAI DINA SARAGA me vaka e toqai ena i vola ni DINA LAILAI E TIKO VEI IKO ME VAKA NA SORE NI MOSITA ENA DINA GA.
VITI FM 92/92.2/92.4/92.6 FM-E KAMICA QAI KACHI!
I VUREVURE-VATU NI CEVA TRIO.
