Dredre tu na toso ena lasa mai nakoro.
Written by Atu Kurumudu on January 5, 2024
E dau tukuni tu ena dua nai vosavosa , kevaka ko via vakila na draki ni marau ni siganisucu kei na tawase ni yabaki, lako ki nakoro. Ia, vei keda na kila vinaka , e sega ni cala nai tukutuku oya ena kena dau tara tu na bolabola ka ukutaki sara tu vaka vinaka. Lili na kena i sulu duiroka ka dau namaki sara vakalevu na veibogi ena kena dau tawa ena gunu yaqona kei na vude vakavanua.
Ia , vei ratou na wekada ena koro vakaturaga ko Tubou ena yanuyanu ko Lakeba mai na yatu Lau, era dau nanamaki na lewenivanua ena veiyabaki ena dua na qito ka vakatokai na Qito Vakayabaki.
Levu na veimataqali qito era vakaitavi taki ira kina me vaka na volleyball,netball kei na kirikiti. Era vakaitavi talega na gone lalai mai na yabaki 9 ka vakakina vei ira na kena qase.
E dau vakacavari tiko na soqo namaki oqo ena i ka 5 ni Janueri.
source:
