Sa vakadeitaki – All Blacks vs Flying Fijians e San Diego Amerika.

Kuruseta na noda vanua nai tukutuku ena kena namaki na nodrau na calidi na timi ni Flying Fijians kei na timi ni All Blacks. Ia , ena gauna oqo rau sa na laki sota sara ena rara na Snapdragon Stadium e San Diego.

Sa toqai ena pepa me rau na qito ena ika 9 ni Jiulai , me qai imatai talega ni gauna me qito kina ena soso vaka Amerika na timi ni Flying Fijians.

Esa qito oti vakavica na timi ni All Blacks e Amerika wili kina na nodrau a sota kei na timi ni US ena Okotova ka 8 ni 1980 ka ratou qaqa kina ena 55-6. Sa qai mai vakatoroicake taki na rara oqo na Snapdragon Stadium ena 2022 , ka rawa mera dabe kina e 35,00 na dau sara qito.

Vakaraitaka o Ma’a Nonu ni sa dua na cavu ikalawa levu na kena kau mai na qito e Niusiladi me laki vakayacori sara e Amerika.

WELLINGTON, NEW ZEALAND – Maji 21: Dame Patsy Reddy, coach ni All Blacks Scott Robertson kei na NZR CEO Mark Robinson ena Rugby Press Conference ena NZ Rugby House ena Maji 21, 2023 e Wellington, Niu siladi. (Photo by Hagen Hopkins/Getty Images)

Na qito oqo e dua vei ira na 14 na qito ni valataki vanua vei ratou na All Blacks ena 9 na matanitu duidui ena veiliutaki nei koya na coach vou ko Scott Robertson. Na imatai ni qito rau na sota kina kei na timi ni Igiladi ena ka 6 ni Jiulai e Dunedin ni bera ni ratou vuka sara yani ki San Diego ena kena namaki na sota kei na Flying Fijians.

source:rugbynews