SERE VOU – VAKADEI – WAIKATAKATA VURE E DELA NI NUKUVULA.
Written by Mika Qalobula on February 8, 2024
‘WAIKATAKATA VURE E DELA NI NUKUVULA’ – Na matasere rogo levu ena noda Viti ka ratou kilai tani ena buturara ni veivakamarautaki ,ka vuqa sa na nodratou sere e taleitaki sara vakalevu ka dau vakatagitaki ena VITIFM.
E liuliu ni matasere oqo o Maciu Salauca ka sa vakaitikotiko mai na vanua levu o Amerika,ka rau dau laga sere vata kei na tacina o Lemeki Tunidau,ka rau cavutu mai na koro vakaturaga o Sevaci,Vaturova ena yasana vakaturaga o Cakaudrove.
‘VAKADEI’ – Oqo e dua na sere vou ka mai katoni ga ena vica na macawa sa oti donumaka na nona a mai gade voli tiko ena noda vanua o Maciu Salauca.
E talanoataki ena sere oqo na nona gole vakacakacaka e dua na cauravou kina vei ‘O’,balabalavu mai Niusiladi,ka sa balavu sara na laki veiqaravi,ka sa dau vakananumi rau vakalevu sara na nona veitinani,me vaka ni rau tu voli ga yani ena noda vanua.
Sa dau vovotu tu ga mai na matadrau ena veisiga kece sara kei na bogi ka vakabibi ena veiyakavi ni dau suka mai na cakacaka.
E sa 9 na yabaki taucoko na nodrau bula ni vakawati ka via seretaka ga o cauravou na gagadre ni nona sa dau via lesu mai, me sotavi rau madaga na nona veitinani, me vaka ni sa balavu veiyawaki.
Na CHORUS ni sere e vakatoka oqo:
Me totolo mai na siga ni veisotari
Meu raici kemudrau noqu veitinani
Na marau ni yalo kila ni na mai saluwaki se mei vakadei.
VITIFM 92.2FM/92FM/92.6FM/92.4FM – E KAMICA QAI KACHI !!!
I VUREVURE – MACIU SALAUCA.
Reader's opinions
Continue reading
