SERE VOU-WAISALE SEREVI-MATASERE-VOQA KEI MUNIA

VOQA KEI MUNIA-Na matasere rogolevu sara e na noda vanua ka kena i liuliu tiko o Josateki Wainiqolo. E vuqa sara na nodratou sere ko ni sa dau  rogorogoca tiko e na nomuni sala ni kakaburaki na Viti Fm. E katoni na sere vou oqo e na volau ni katokatoni na Raven Studio, ka katona ko Isireli Gumatua ia e vola ga na i talanoa ni sere vou oqo ko Josateki Wainiqolo.

WAISALE SEREVI-Oqo na i talanoa ni sere kei Waisale Tikoisolomoni Serevi ka kilai levu e na yaca na “KING OF SEVENS”.Na turaga oqo e cavu tu mai na loma ni koro vakaturaga mai Qarani ,Gau e na yatu Lomaiviti ka sucu e na i ka ruasagavulu ni vula ko Me e na yabaki 1968.E sa vakawati na turaga oqo ka sa tolu na nona i solisoli.

E digitaki talega o Waisale Serevi e na World Rugby Hall of Fame e na vuku ni veika ka rawata e na butu rara ni qito rakavi e na noda vuravura, ka vakatokai kina vua na yaca “Doc Waisale Serevi”. E dau qitora vakalevu o Serevi na i tutu ni fly half, full back kei na scrum half, ka lewena na mata timi ni viti e na qito rakavi lewe ya vitu me rawata mai e na i matai ni gauna na bilo na melrose cup mai na Hong Kong sevens, ka vaka talega kina e na nona dauniveivakatavulici ka qito talega e na 2005 ki na 2006 ka rawata mai kina o Viti na bilo levu ni World Series.E lewena talega o Serevi na mata timi ni Viti ka rawata mai na metali varasa e na 2006 Commonwealth Games.E vuqa sara na yaca e ra dau kacivi koya kina o ira na dau ni kakaburaki e na buturara ni qito rakavi e na veiyasai vuravura me vaka na yaca na “Wizard” ,”Small” se na yaca na “Maestro”.E buli walega na sere oqo me i vakananumi tu ga ni veika e rawata o Waisale Serevi e na butu rara ni qito rakavi.

VITI FM:92.2/92.0/92.6 FM-E-KAMICA-QAI-KAJI

I VUREVURE: JOSATEKI WAINIQOLO