SERE VOU-I NA WATIQU-NARARO BOYS.

NARARO BOYS-Oqo na Matasere,ka cavutu mai ena loma ni koro vakaturaga o Narailagi mai Seaqaqa,ka kena i liuliu tiko o Seva Yacalevu,ka sa oti e 8 na yabaki,ka sa qai mai katona tale e dua na nona Sere,ka me vakatagitaki yani ena nomuni sala ni kakaburaki oqo na Viti Fm.

Na Turaga oqo o Seva Yacalevu e dua na Turaga,ka taleitaki sara vakalevu na nona Sere ena yabaki 8 sa oti ka me yacova toka mai oqo,ka vuqa sara na Lewenivanua e taleitaka sara vakalevu oqo me vaka na EITOU DAU ANIA MAI CAAU,OKU ORO kei na vuqa tale na nona Sere,ka tiko talega ena vatavata ni You Tube.

I NA WATIQU-Oqo nai talanoa ni Sere kei na dua na Goneyalewa ni Ra kei na dua na Cauravou ni Taveuni,ka talanoataki na veika e rau lako curuma mai ena nodrau bula ni Veitau,ka me yaco sara me rau laki Vakamau me rau bucina na nodrau Vuvale.

Ia,ena gauna ni bula vakaveitau e dau nona cakacaka voliga o Cauravou na Lasa i Tuba,ka sa qai dua naka na nona dau vosota voli na goneyalewa ni Ra oqo me rawa ni kua ni Kasura na nodrau bula ni veidomoni.

Ia,e yaco na gauna me sa vakavotukana na tatadra nei goneyalewa kei na vua ni nona vosota voli mai na nodrau veidomoni,ka me rau sa laki vakamau sara kina,ka valuveni,ka sa tekivutaki saraga na kena sokoti na wasawasa ni bula vakavuvale.

Ena dua na gauna e a qai laki sotavi na Ua lelevu ena loma ni wasawasa ni veidomoni oya,ka vakavuna me vakelia mai na Sui Vuca na goneyalewa oqo,ka nanuma kina me sauma lesu vei Cauravou na veika e a vakayacora tu mai ena gauna ni bula ni Veitau.

Ia,mani laki butubutu i tautuba ni vakamau na goneyalewa oqo,ka qai vakaraitaka na Cauravou oqo vei koya ni sega ni rawa ni veisautaka na veika sa sivi,ia e na rawa ga ni veisautaka na veika e se bera mai.

VITI FM 92/92.2/92.4/92.6FM-E KAMICA QAI KACHI!

I VUREVURE-NARARO BOYS.