SERE VOU-LUVU E TUVUCA-SENIDAWA NI DELAI DOKIDOKI

SENIDAWA NI DELAI DOKIDOKI-Na matasere rogolevu sara e na noda vanua, ka vuqa sara na nodratou sere o ni sa dau rogorogoca tiko e na nomuni sala ni kakaburaki na Viti Fm, ia e dua tale na nodratou sere vou oqo ” LUVU E TUVUCA” , e dua na sere ka ratou sa qai katona vou tikoga ka o ni na rawa talega na kena i yaloyalo e na i vatavata ni You Tube.

LUVU E TUVUCA-Na talanoa ni sere oqo e laurai ga mai e na i volamata e na kena saravi tiko na i yaloyalo ni nona vakamacala o Qasenivuli Mereseini Tabaiwalu, na marama ka tiko saraga e na gauna ka yaco kina na vakacalaka oqo, ka vakatoka oqo na veika e talanoataka.

E na loma ni koro o tuvuca e na siga ni sucu e na yabaki sa oti, e  oso vinaka sara tu ga na koro e na vuku ni dua na soli ni koronivuli, ka ra gole yani kina na vuli oti mai e na koronivuli oya , ka lakovata talega e na nodra veiqaravi tu va koro e na yabaki sa oti e na siga ni sucu kei na tawase ni yabaki,e na mataka lailai na i ka lima ni siga ni vula ko Janueri, ka ra sa biubiu talega e na vuku ni dua na vakatakakana e Tavunuku e vanua, ka rau sega ni kila vaka veiwatini e na loma ni golegole oya , e a vodo tale tikoga kina na luvedrau lailai, ka vaka sa siqema tiko o tamana ni sa yali tiko o luvedrau me vaka ni ka gole tu e na lakolako oya, ka sa ma ni lakovi luvena o tamana baleta ni sa nanumi koya saraga vakalevu.

E sa voleka tiko yani na boto e tavanuku e vanua e ratou sega ni raica e dua na tamata e dela ni nuku, e na gauna e ratou sa votu voleka yani kina e sa votu mai e so na tagane e dela ni nuku,me vaka ni a vodo voli vata kei rau na nodrau ulumatua, qai vou vei ratou ni katakata tu na siga qai ratou luva siqaleti tu ka sa yali na boto, e na lakolako ni kena lai kau mai na nodrau gone yalewa ka rau sega ni kila ni sa lakolako tiko ni veivueti, sebera ni kele yani sa ratou dusi tiko mai e na vanua e yaco tiko kina na leqa, o Tamai Talica na turaga ka leqa na luvena gone yalewa , e matai ni tamata me rau sota kei qasenivuli Mere e na gauna sa qalo yani i wai ka rau sa veimokomoko kei Tamai Talica e na dela ni veinuku lako vata na tagi kei na rarawa , ka vakaoqo na veika e vakaraitaka o Tamai Talica ” I Na Mere o Talica sa leqa”, ka sa lomaleqataka voli o qasenivuli mereseini se i vei o luvena, ka vakaraitaka o Tamai Talica vei qasenivuli mere ni lewe va e se ciri tiko e na poe, e ratou tiko voli e na loma ni yanuyanu ko Tavunuku me yacova ni sa ciqomi ni sa kau oti tale e tolu na yago ni mate e Tuvuca,ka sa cqomi na i tukutuku ni leqa e na koro, ka ra sa gole kece na boto, ia na boto ni koronivuli e qai raica na luvei qasenivuli mereseini ni viritaka cake tiko na nona siqaleti , e rau veisotari na veitinani ka sa dua na ka mosi kei na rarawa e tarai rau na nona i tubutubu, ka tukutuku ni veigauna vei ira na lewe ni koro e Tuvuca na veika e a mai yaco e na siga koya.

VITI FM:92.2/92.6/92.4/92.0 FM-E-KAMICA-QAI-KAJI

I VUREVURE-SENIDAWA NI DELAI DOKIDOKI