Veitalanoataki vakalevu na nona mai digitaki o Barrett me kavetani ni All Blacks.

Ena liutaka na timi ni All Blacks o Scott Barrett ena nodrau na sota kei na timi ni Igiladi ena Forsyth Barr Stadium ena imatai ni nodratou qito ni valataki vanua ni 2024. Oqo ni oti na kena mai kacivaki na yacana ena itutu ni kavetani ni timi ni All Blacks.

Na lock ni Crusaders oqo e mai sosomitaki Sam Cane. A nanumi tiko e rua na yaca me baleta nai tutu oqo – oya o Barrett kei Ardie Savea na World Rugby player of the year.

Ena nona mai digitaki oqo o Barrett e levu sara kina na kena veitalanoa ni-so era duavata kina kei ira e sega ni donu vei ira ka dua vei ira na dauqito makawa ni All Black o Lima Sopoaga. Kurabui taka o koya na nona sega ni digitaki kina itutu ni kavetani o Savea.

Kuria ka kaya o Sopoaga ni dodonu me soli vei Savea ni dua e dau solia saraga e 100 na pasede ena veigauna kece e dau tokara kina na siqileti loaloa ni Niusiladi.

Rairai beka na veiwekani mai na timi ni Crusaders e gole kina na digidigi vei Barrett nia kavetani kina ena ruku ni veilutaki nei Robertson.

Barrett sa 69 oti na nona valataki vanua ena timi ni All Blacks me tekivu sara mai na imatai ni nona qito ena valataki vanua kei Ireland ena 2016.

source:stuff.co.nz