SERE VOU-SA RUI DEDE-PARADISE ROOTZ

PARADISE ROOTZ-Na matasere rogo e na noda vanua, ka vuqa sara na nodratou sere ko ni sa dau rogoca tiko e na nomuni sala ni kakaburaki na Viti Fm, ia na sere oqo na “SA RUI DEDE” e vola ko Seru Tawake, ka katoni e na Rose Studios, e ratou qai lagata na sere oqo ko Josefa Namatua, Benjamin Amori, Tawake Jackson kei Tomu Masikea.

SA RUI DEDE- Oqo na kedrau i talanoa e dua na veiwatini, ka gole vakacakacaka i vanua tani o cauravou ni oji e tolu na yabaki ni vakamau, ka sa biu tu mai e Viti na marama na watina.

Sa lai toso na veiqaravi mai valagi o cauravou sa tauri sede lelevu , ka sa lai rai tale kina na matana ka sa lai seavu yani vamalua na nona vosa ni yalayala ni vakamau ni dau yalana ga ko mate.

Sa mai rogoca o na watina na veika sa yaco, sa mai kavoro ka vurumemea sara kina vakaca na  yalo i vuni marama. E na dua na siga ni oti e rua na yabaki sega tu na veirai se vei taratara, sa qiri mai o cauravou ni sa lai sotava na dredre ni bula mai valagi ka sa sega tu ni cakacaka, ka sa kerei nona vakamau mai ,ni sa via lesu tale mai loma ni vale.

E tagi o vunimarama e na nona mosita tu na veika e a lako curuma lo tu, ia na loloma walega nei vuni marama na watina e a qai ciqomi cauravou tale kina.

VITI FM:92.2/92.0/92.4/92.6 FM-E-KAMICA-QAI-KAJI

I VUREVURE:PARADISE ROOTZ