SERE VOU-NA DINA LAU LO E LOMA-KUVU NI KAWAI

KUVU NI KAWAI-Na matasere oqo e lewena tiko ko Semi Vaniqi, Manoa Turaganiwai kei Penaia Tavakaturaga, ka vuqa sara na nodratou katokatoni ko ni sa dau rogorogoca tiko e na nomuni sala ni kakaburaki na Viti Fm, ia na sere oqo “NA DINA LAU LO E LOMA” e vola ko Marika Vaniqi, ka katona ko Adriu Saranuku.

NA DINA LAU LO E LOMA-Na sere oqo e kedrau i talanoa ko Sitiveni Vukiduadua ka cavu tu mai e na loma ni koro ko Nadarivatu, Devodevo mai Naitasiri kei Salote Ane Qiolevu Lovodua na marama oqo e cavu tu mai na loma  ni Yasana vakatuaraga o Kadavu.

E rau mai sota e na  lesilesi vakacakacaka nei tamai yalewa (Taba cakacaka ni Ovisa)e na i tikotiko vakamatanitu e Naitasiri, ka rau mai veitau sara ,sa yaco me sa mani bukete o goneyalewa, ka dina ni vuqa na dredre e rau lako curuma ,ia o gone yalewa e sega ni vakasuka se me lomalomaruataka nodrau veidomoni.

Sa toso tiko na bula ni sasaga, rau mani bucina saraga me sa vakadeitaki nodrau matavuvale, ka sa taladrodro sara tiko na bula ni vakawati mai sucu kina e  3 na kena I solisoli, ia ni oti 17 na yabaki ni vakawati,e sa mani yaco na veikacivi me lai cakacaka i valagi o tamadra na gone, ka sa qai mai veituberi tiko yani na marama ni Kadavu oqo ,me tama ka tina tiko e loma ni vuvale.

E solia tu nona dina me vaka ni  marama dau vosota ka dau dinata tu ga na  nona i tavi vakatina vei ratou na i solisoli lewe tolu(tagane) Johnny, Solo kei Sitiveni(Ju), ka  qai buli na sere oqo me vakananumi tu ga ni veigauna sa sivi yani kei na kena dredre rau lako curuma mai.

VITI FM:92.2/92.4/92.6/92.0 FM-E-KAMICA-QAI-KAJI

I VUREVURE:KUVU NI KAWAI