Cibi na matatimi ni koro ko Vatukarasa mai Nadroga ena kena rawati na Nakalevu Shield
Written by Samuela Turagatani on August 9, 2024
Qaqa na timi ni koro vakaturaga ko Vatukarasa mai Nadroga ni oti na nodratou vakadruka na timi ni Kesenavunivalu ena kai 12-10.
E 36 kece na timi era a vakaitavi voli mai ena sotasota ni Unioni ni qito na rakavi mai Nakuruvakarua, ia esa qai mai vakadeitaki koya na timi ni Vatukarasa ena sotasota oqo, ka sa na dabe yabaki 1 toka na cocovi na Nakalevu Shield ena koro ko Vatukarasa.
Sa bau dua naka na nodratou marau na lewe ni timi ni koro vakaturaga o Vatukarasa ena nodratou mai qaqa oqo, ka sa na i tukutuku tu ni veigauna ina nodra bula na lewe ni timi na qaqa e mai rawati nikua.
Ia esa na i bole tu ki na timi ni Kesenavunivalu ena nodratou na tovolea me ratou na sasaga tale ena yabaki mai oqo ena kena rawati nai covi ni vanua ko Nakuruvakarua.
VITI FM 92/92.2/92.4/92.6 FM-E KAMICA QAI KACHI!
I VUREVURE- Tamai Dimacu
