Sa vakaraitaki vei ratou na Wallabies me ratou kauti Leon MacDonald mai.
Written by Atu Kurumudu on August 23, 2024
Kaya na turaga ka sa laveta oti na Web Ellis trophy o Tim Horan ni dodonu vei Joe Schmidt na coach ni Wallabies me sureti Leon MacDonald ni oti na nona mai vakaraitaka ni sa biubiu mai na timi ni All Blacks ena Lotulevu.
Vuqa era kurabuitaka na veika sa mai yaco oqo ka tukuni ni basika mai na nodrau sega ni rawa ni cakacaka vata na lewe rua o – Leon kei na coach o Scott Robertson.
MacDonald, a sa mata-taka oti vaka 58- na timi ni All Blacks ena itutu ni centre, ni bera ni rau mai lewena vata na coaching staff ni All Blacks. A head coach tu ni Blues ena 5 na yabaki sa oti , ia ni oti na nodratou mai druka vei Argentina , erau sa mai veitalanoa na turaga rua, ka rau sa vakadinadinataka ni dredre na nodrau cakacaka vata.
Scott Robertson kei Leon MacDonald – sega ni rau click.
Andrew Cornaga/www.photosport.nz
E vakatoka oqo na veika rau mai vakaraitaka na turaga – “As we got into the coaching we realised our philosophies and just the way we click and see the game is a little bit different now.”
Levu era kidroa taka sara vakalevu na itukutuku oqo – kani rau a sa veikilai makawa tu mai ena loma ni 27 na yabaki ka tekivu mai na timi ni Crusaders.
Ia, sa mai tadola e dua na katuba vei Schmidt me sagai MacDonald mai kani sega talega ni vou vua. Ni oti mai na nona veiqaravi tu vaka coach ena timi ni Ireland o Schmidt , rau a qai mai cakacaka veivolekati sara kei MacDonald ena timi ni Blues ena 2021.
E kaya o Tim Horan ka vaka -“It’s worth a phone call. If you are Joe Schmidt and you have been coaching colleagues in the past, it has got to be worth a phone call”.
Ena gauna oqo e sega tiko ni dua na specialist backs coach ena timi ni Wallabies ka levu sara e na dauniveitokoni era kaya ni sega ni laurai e dua,. Era dau kaya na kena dau ni sa ‘one-dimensional’ tu ga na attack.
source:stuff.co.nz
