Tauri vakavesu na CEO ni Telegram ena iroro ni waqavuka e Varanise.
Written by Atu Kurumudu on August 26, 2024
Tauri vakavesu ena Vakarauwai na CEO ni Messaging app na Telegram ko Pavel Durov – ka kaya na kabani ni sega ni dua na ka e vunitaka.
Yaco na veivesu oqo ena iroro ni waqavuka ena Vualiku kei Parisi ena dua na waradi ena vuku ni veika e semati kina app.
E muria tale tikoga na nona mai tauri vakavesu oqo ena veika e tauri rawa ni sega ni dau yadrava ko Mr Durov na veika e dau tabaki ena Telegram se ena kena dau vakayagataki na app ena gaunisala butobuto. Beitaki tale tikoga na app ni sega ni vakamuria na lawa me baleta na volitaki se na kena vakau na waigaga ni veivaka matenitaki]-drug trafficking, vakayagataki na gone lalai ena gaunisala butobuto se na child sexual content kei na fraud.
Ia e kaya na Telegram ka vaka , ni ratou cakacaka tikoga ena loma ni lawa ka ratou vakatoroicake taka tale tikoga na i vakatagedegede ni nodratou veiqaravi.
Pavel Durov ena nona vosa tiko ena Mobile World Congress e Barcelona, Spain ena 2016.
Vakaraitaka na Telegram ni dau vakavuqa na nona dau gole ki Urope ko Mr Durov , ka kena i kuri ni ratou vakamuria sara tu ga na lawa ka ratou vauci kina ena – the Digital Services Act, ena kena dau maroroi me tauoko tu na nodra qaravi o ira era sema yani ena app.
Rauta ni 1 na bilioni na lewei vuravura era vakayagataka na Telegram me nodra gaunisla ni veitaratara.
Pavel Durov, 39, e sucu mai Rusia ka sa vakaitikotiko e Dubai kani tiko kina na valenivolavola liu ni Telegram. E dual citizen ena United Arab Emirates kei Varanise.
Telegram e taleitaki sara vakalevu e Rusia, Ukraine kei na vica tale na matanitu kara qali tu e liu kina Soviet Union.
Ia , a vakatabui se ‘ban-taki’ e Rusia ena 2018, ni a sega ni via solia o koya [Pavel] na ‘user data’ ka qai mai laveti tale na vakatulewa oya ena 2021.
E rogo na Telegram ena vatavata ni veitaratara ena mona livaliva me vakataka na Facebook, YouTube, WhatsApp, Instagram, TikTok kei na Wechat.
Tauyavu taka ko Mr Durov na Telegram ena 2013 ka biuti Rusia ena 2014 ni a sega ni vakamuria na vakatulewa mai na matanitu.
source:bbc
