TOTOKA NA VEIQARAVI NEI SUSANA ENA WAQA LEVU NI SARAVANUA
Written by Mika Qalobula on August 28, 2024
O Susana Marama.e dua na noda gone i taukei ka sa veiqaravi tu ena waqa levu ni Saravanua na P&O Cruises Australia,ka a tekivu veiqaravi ga vaka Youth Staff,ka sa 14 taucoko na yabaki na balavu ni nona veiqaravi tiko kina.
E na nona veiqaravi vinaka,ei sevu kina ni gone i Taukei me taura nai tutu vaka ‘ENTERTAINMENT DIRECTOR,ena dua na waqa ni Saravanua ena noda vuravura,ka sa dua dina na ka marautaki ki vua me vaka ni sa dua sara ga nai i sausau levu.
Na wekada oqo,e cavutu mai ena koro vakaturaga o Naloto,Verata mai Tailevu ka vasu ena koro vakaturaga ko Lauwaki,Vuda mai Lautoka,ka sa marautaka sara vakalevu na nona cakacaka ena nona veisokoyaki tu ena wasawasa ena veiyasaivuravura.
E vakavinavinakataki rau na nona i tubutubu vakalevu o Susana,ena vuku ni veika sa mai rawata tu oqo,me vaka ni rau dau vakayaloqaqataki koya me dau vakabauta na Kalou.
VAKAROROGO MAI ENA VITIFM 92.2FM,92FM,92.6FM kei na 92.4FM.
‘E KAMICA QAI KACHII’
I VUREVURE – Epeli’s Journey
