Ena rawa beka vei Wallabies me veisautaka na matanicagi?

Ni oti vinaka e 8 veitaravi na qito ni nona toka ena itutu ni naba 10 o Damian McKenzie ,ena mua ni macawa oqo , sana laki waraka toka mai na nona kacivi ena itutu ni veisosomitaki.

Vakayacora e 5 na veisau na coach o Scott Robertson ena ikarua ni Bledisloe Cup kei na Wallabies e Wellington ena bogi ni Vakarauwai oqo. Sana sosomitaki McKenzie ena itutu ni naba 10 o Beauden Barrett ka sa qito oti ena 130 na valataki vanua.

Vuni nona mai toka ena ‘bench’ o McKenzie’s , e vu mai na nona sega sara ni vakatulewa vinaka ena qito sa oti kei Wallabies , dina ga ni ratou mai qaqa ena kai veivolekati 31-28.

Beauden Barrett ena qito ena itutu ni first five-eighth ena sota kei Wallabies.
Kerry Marshall / Photosport

Gauna mai biubiu kina o Richie Mo’unga ena konitaraki ki Japani ni oti mai na Rugby World Cup , sa vakadeitaki koya sara toka ga o McKenzie ena siqileti naba 10.

Dua na leqa levu e basika tiko ena gauna oqo , mai na 5 na valataki vanua veitaravi sa oti , oya na nodratou sega ni rawa ni vakai rawa tiko na All Blacks ena i otioti ni 15 na miniti

Ena itutu ni halfback – sa toka mai kina o Perenara kana veisosomitaki yani o Cortez Ratima. Oqo talega sai otioti ni nona qito ena valataki vanua ena soso vaka Niusiladi o Perenara kana toka mai ena itutu ni second five-eighth o Anton Lienert-Brown ka sosomitaki Jordie Barrett ka maova tiko ena gauna oqo.

Lock Patrick Tuipulotu sa lesu tale mai ni oti na nona mavoa kei David Havili ena wawa toka ena itutu ni veisosomitaki.

Otioti ga ni gauna a qaqa kina na All Blacks ena valataki vanua e Wellington ena 2018 , ia , eratou na gadreva mena veisautaki na vola i-tukutuku oya ena mua ni macawa oqo ka me rau na talaci talega kina vaka vinaka o Sam Cane kei Perenara.

Ooqo talega sana ika 100 kina ni gauna me tokara na siqileti loaloa o Cane ka kena i otioti talega.

All Blacks: Will Jordan, Sevu Reece, Rieko Ioane, Anton Lienert-Brown, Caleb Clarke, Beauden Barrett, TJ Perenara, Ardie Savea, Sam Cane, Wallace Sititi, Tupou Vaa’i, Scott Barrett (capt), Tyrel Lomax, Codie Taylor, Ethan de Groot. Reserves: Asafo Aumua, Tamaiti Williams, Pasilio Tosi, Patrick Tuipulotu, Luke Jacobson, Cortez Ratima, Damian McKenzie, David Havili.

source:stuff.co.nz