Rau waraki Sotutu mai e rua na”Premiership clubs”.
Written by Atu Kurumudu on October 18, 2024
Rau wanonovi Hoskins Sotutu matua tu mai na timi tuwawa e rua ni rakavi ka qito ena sotasota ni Gallagher Premiership – Saracens kei Leicester Tigers. Yaco oqo ni oti na veitalanoa kei na coach ni Igiladi o Steve Borthwick me veisau na nona timi ni vanua.
Sotutu a digitaki me 2024 Super Rugby Pacific player of the year ka i otioti sara ni gauna me dara kina na siqileti loaloa ni All Blacks ena sota kei Igiladi ena Noveba ni 2022 e Twickenham. Ena i tukutuku tabaki , sa toqai toka kina ni sa vakasuka mai na timi ni All Blacks na cauravou oqo.
Ia , e kaya toka na coach o Scott Robertson ni mavoa tiko na durui Sotutu ka vuna na nona mai lutu kina ena ilakolako oqo.
Hoskins Sotutu, kei Dalton Papali’i (matau), ni oti na nodratou qito ena 2022 .
(Photo by Morgan Hancock/Getty Images)
A laurai talega o Sotutu ni a qito voli mai ena loma ni va na macawa sa oti ena sotasota ka yaco tiko e Niusiladi.
Sotutu, a vukea na Blues me ratou qaqa ena fainala ni Super Rugby Pacific ena yabaki oqo ka sana rawa vua me lewena talega na timi ni Igiladi me vaka na lawa virikotori ena lawa ni World Rugby, ia ena gana madaga oqo , e se konitaraki taki tu ena NZRU.
Dina ni se bera ni se mau na veika kece , ia , rau sa wawa tu ga na kalavo e rua oqo me dua ena sainitaka kina na nona konitaraki o Sotutu.
Sa qito oti vaka 67 ena Blues o Sotutu ka mai tabaka rawa kina 27 na sikoa.
source:srugbypass.com
