Ni oti na qito , mena qai kila o Sevu Reece se o cei o Tommy Freeman.
Written by Atu Kurumudu on October 29, 2024
Ena gadreva na wing ni Igiladi ko Tommy Freeman mena solia vei Sevu Reece e dua na qito dredre ena nodrau na sota na timi ni Igiladi kei na All Blacks.
Ni bera na nodratou druka na Igiladi ena 16-15 vei All Blacks ena Jiulai , a kaya o Reece ni sega ni se kilai rau vinaka sara na rua ko Freeman kei Immanuel Feyi-Waboso.
Rairai a se bera beka ni kila o Reece na veiveisau sa cakava voli mai na timi ni Igiladi ni oti na sotasota levu ni vuravura se-na – World Cup.
All Blacks wing Sevu Reece .Hannah Peters / Getty Images
Dodonu me ratou na vakavinakataka na vanua ratou a malumalumu kina na timi nei Steve Borthwick ena gauna ratou a druka kina e Dunedin ena ikarua ni ‘test’ valataki vanua e Okaladi , ni ratou a qai druka kina ena kai 24-17 , dina ga ni rau a mai tabaka e rua na sikoa ko Freeman kei Feyi-Waboso ena ‘cross field kick’ nei Marcus Smith.
Ni cava tiko na lima na siga ni tereni e Girona , Spain, ratou sa lesu tale kina nodratou ‘training base’ e Pennyhill Park e Surrey na timi ni Igiladi. Vakaraitaka na nodratou flanker o Tom Curry ni veiqati levu duadua ena yaco ena gauna ni ‘breakdown’.
source:stuff.co.nz
