Era mate e 14 en a gauna era masumasu tiko kina – Uganda refugee camp.
Written by Atu Kurumudu on November 4, 2024
Era mate e 14 na lewenivanua ena siga Vakarauwai ena gauna a lidiki ira kina na yaseyase ena gauna era masumasu tiko kina ena dua na ‘refugee camp’ e Uganda.
Tukuni ni ratou a mavoa talega kina e lewe 34.
Vakaraitaki ni a tau tiko na uca ni bera ni tekivu na masumasu ena 5 ena yakavi ia, a qai yaco na vakacalaka ena 5.30pm.
E tiko ena itikotiko oqo na ‘Palabek refugee camp’ ena iyala ni vanua kei South Sudan, kara maroroi tiko kina e rauta ni 80,000 na lewenivanua.
Ena itukutuku tabaki ena BBC ena 2022 , e volai kina nira a leqa e 10 na gone lalai ena Vua I Ra kei Uganda ena kena lutuki ira na yaseyase. Ena 2011 a lut talega na yaseyase kara mate kina e 18 na gone lalai kei na nodra qasenivuli.
source:cnn
