SEGA NI VAKADREDRETAKA NA VEISAU KOSO NI NOQU KORONIVULI.

Qalovaki Biuvanua kei iratou nona qasenivuli ena Rt.Finau Sec.Sch:photo-LeWa.

E sega ni vakadredretaka se me i tatao vei Qalovaki Biuvanua Vakarau na nona biu koronivuli ka me lai tomana tale na nona vuli ena dua na koronivuli vou,rawata kina na i ulu ni cocovi ni vuli ka na “DUX” ena vuku ni sa yaco vua na nona i tubutubu turaga na i lesilesi vakamatanitu ki na yatu Lau.

Biuvanua kei na nona i tubutubu :photo-LeWa.

Ena yabaki qo,mai rawata o Qalovaki Biuvanua Vakarau na i cocovi vaka “DUX” ena koronivuli na Ratu Finau Secondary School.O Biu e a vuli mai na koronivuli na Suva Grammar School ena 2018(Form 3) – 2024 (Form 7 ena i matai ni 4 macawa ena Term 1),ni bera ni qai  soko wasa me lai tomana nona vuli ki Lakeba e na ceva ni Yatu Lau e ‘Ratu Finau Secondary School’ donumaka na veimama ni i matai ni wasewase ni vuli,ena vuku ni nodra sa lesi vakacakacaka nodra i tubutubu turaga ena ‘Ministry Of Infrastructure And Transportation’.