KIDAVAKI NA TURAGA MINISITA E QARAVA NA TABACAKACAKA NI OVISA ENA VALE NI VOLAVOLA LIU.
Written by Maria Solomone on January 13, 2025
Minisita e qarava na Tabacakacaka ni Ovisa-Hon.Ioane Naivalurua -photo :Fiji Police
Era sikova ni kua na vale ni volavola liu ni Tabacakacaka ni Ovisa na turaga Minisita ka qarava na Tabacakacaka,Hon Ioane Naivalurua,ni oti na nodra mai vosa bubului na i tutu ni veiliutaki qo na macawa sa oti.
Era kidavaki taumada mai vua na i Vukevuke Vakatawa ni Komisina ni Ovisa,Sakeo Raikaci,ka ra vakanuinui vinaka taka na turaga Minisita ena i tavi ra sa vaka io kina.
photo:Fiji Police Force
Kaya o Raikaci ni ra marautaka vakalevu ena vuku ni i tavi qo,ni oti na nodra sa vosa bubului ena Vakaraubuka sa dromu na Turaga Minisita,ka na dau i tukuni ni veigauna ni sa qai kena i sevu me dua na Minisitiri me qarava vaka tabaki dua na Tabacakacaka.
Vakaraitaka na Turaga Minisita ni sa dua na ka nona luluvu na gauna e curu yani kina ena vale ni volavola,me vaka ni a vale ni volavola a dau veiqaravi tu kina ena dua na gauna,nodra a taura tu kina na i tutu vaka Komisina ni Ovisa.
photo credit : Fiji Police Force
Kaya tale o Hon.Naivalurua ni se sega ni kaya e dua na ka ena gauna qo,ka sa na vakanamata sara ki na nodra cakacaka vata, vaka kina kei ira na lewenivanua,ka vakadeitaki ira na veiliutaki ena loma ni tabacakacaka me ra kakua ni leqataka edua na ka vakabibi na veika era wilika se sarava ena mona livaliva me baleta nodra veiqaravi,ia,dina mada ga ni ra solia nodra i gu ena kena maroroi ka taqomaki na lawa ena noda vanua.
E kerea tale ga na turaga Minisita me ra tosoya cake tale nodra yadrayadra vaki ena gauna qo,ka kua ni kauwaitaka na rai cala ni lewenivanua me baleta na veiqaravi,qarava ga na i tavi ena yalodina kei na dodonu.
