Vakatabui na vakayagataki ni talevoni veikauyaki vei ira na gonevuli e Brazil.

Sa mai sainitaka e dua na bill na peresitedi ni matanitu ko Brazil – President Luiz Inácio Lula da Silva ena siga Moniti ena kena vakatabui na vakayagataki ni talevoni veikauyaki ena veikoronivuli – elementary kei na highschool. E vakamuria tikoga na turaga oqo na veika era sa cakava tiko nai liuliu ni veimatanitu eso ena noda vuravura.

Ena qai tekivu tiko na vakatatabu oqo ena Veverueri. Ia ena soli ga na galala mera vakayagataka na gone na talevoni ke dua na kisi bibi ka gadrevi kina na veitaratara kei rau nai tubutubu ka vaka kina vei ira e sega ni taucoko tu na tiki ni yagodra kevaka era gadreva mera vakayagataka na talevoni me vukei ira ena nodra ka ni vuli.

Brazil’s President Luiz Inacio Lula da Silva.

Kuria ka vakaraitaka na Education minister , Camilo Santana ka kaya , ni o ira na gone lalai e sa rui totolo saraga na nodra sema kina mona livaliva , ka vakavuna na dredre levu ena nodra sega tu ni kila nai tubutubu se cava e cakava tiko na gone ena talevoni. Tomana o Camilo ka kaya nina vinaka cake sara na nodra ka ni vuli na gone ena kena sa mai yaco oqo na vakatatabu.

E Varanise , sa vakatabui talega ena veikoronivuli na nodra vakayagataka na talevoni na gone mai na yabaki 6 kina 15.

Ena dua na dabe ni seneti e Amerika ena yabaki sa oti , a sa kere veivosoti talega kina o Mark Zukerberg vei ira na itubutubu ni gone kara sotava na veivakasaurarataki ena mona livaliva.

source:cnn