ERATOU SA VAKATAROGI TIKO E LEWE 3 NA LEWENIVANUA MAI VEI IRATOU NA OVISA MAI NADI E NA NONA KUNEI NA YAGONA NA CAURAVOU YABAKI 25
Written by Elenoa Domoni on February 16, 2025
E ratou sa tarogi tiko e na gauna oqo e na siteseni ni ovisa mai Nadi e lewe 3 na lewenivanua salamuria tiko ga na kena mai kunei e dua na yago ni cauravou ni sa davo matemate toka e na uciwai na Narewa e na siga Vakaraubuka.
E vakabauti ni ratou na lewe 3 oqo, e ratou a tiko vata kei na cauravou yabaki 25 ni sebera na nona qai kunei matemate toka.
E na vakayacori na veisele vakavuniwai me na laurai na vu ni nona mai leqa . Tomani tiko na veivaqaqai mai vei iratou na tabana ni ovisa .
ivurevure: Fiji Police Force
