Kasura na dokavuvu ni vale kara mate kina e 100 vakacaca ena Dominican Republic.

Sivia ni 100 na lewenivanua era mai mate ena kena lutuki kira na dokavuvu ni dua a vale ni danisi kilai levu ena Dominican Republic. Tukuni ni sa dede na gauna me qai yaco tale e dua na vakacalaka levu me vaka oqo .

Erika Santelices/Reuters

Rauta nira lewe 300 era tiko ena Jet Set nightclub ena mataka ni Tusiti ena koro turaga e Santo Domingo ena gauna e kasura kina na delanivale rauta toka na 1 ena mataka lailai. E tukuni ni a vakaitavi tiko kina e dua na dau veivakamarautaki rogo mai kea ko Rubby Perez kei ira na nona i lawalawa. Era kaya na dauni veivueti ni a qai kune na yagoi Perez ena mataka ni Vukelulu.

Ena i tukutuku tabaki e tukuni kina nira vueti bula e 145 na lewenivanua ni oti na vakacalaka oqo.

Se bera tiko ni kilai se cava e vakavuna na kena lutu na dokavuvu ni vale oqo.

source:cnn